कोमल मनको

                                           मुकेश राई


कोमल मनको खुशीहरु, आज सबै बिलायो !
बेदनाले दुख्ने मुटु, अनायसै आज रसायो !

झर्नदिन्न आँशु तिम्रो, तिमी दिलको रानी भन्थ्यौ
पाथीभरा साक्षी राखी, मेरै सिउँदो भर्छु भन्थ्यौ !
घात् गर्यो निष्ठुरीले, कोमल मन्को बाँध फुट्यो,
अर्कै संसार रोज्यौ तिम्ले, पिरतीको नाता टुट्यो !


मनको खाली तलाऊमा, तिम्रै माया भरेको थेँ
दिलको चोखो मन्दिरमा, तिम्लाई राखी पुजेको थेँ !
मन मन्दिर शून्य भयो, आज तिम्रो साथ बिना
सगैँ जिउने वाचा बाँधी, हात मेरो छोड्यौ किन !